പൂമരം

ജലകണം

                                                     പൂവിനെ  ചുംബിക്കുന്ന  ജലകണം
                                                     പൂവിനെ  പുണരുന്ന  ജലകണം
                                                     പൂവിനെ കരയിക്കുന്ന  ജലകണം      

മത്സ്യം തിന്നുന്ന കാലുകൾ

                                                    മത്സ്യത്തിനു  തീറ്റ
                                                    മനുഷ്യനു സന്തോഷം

ജാലക കാഴ്ച

                                                   നഗരത്തിലെ  കണ്ടുമടുത്ത 
                                                   കാഴ്ചകളിൽ നിന്നും  മോചനം
                                                   പാം വില്ല.
                                         
                                               
                                                

മുക്കുറ്റി

ഒരു മുക്കുറ്റി പൂവു തേടി നഗരം മുഴുവന്‍
ഞങ്ങള്‍  അലഞ്ഞു നടന്നു.
ഓണത്തിന്  അത്തപ്പൂക്കളമിടാനായിരുന്നു
ഒടുവില്‍ ഞങ്ങള്‍  കണ്ടെത്തി
പൂവിന്റെ  നിറഞ്ഞ പുഞ്ചിരി.

പണ്ടിവിടെ ഒരു  തറവാടുണ്ടായിരുന്നു.

തറവാടു്

ജീവിതത്തിനും മരണത്തിനും ഇടയിലൂടെ
തണുത്ത വെളിച്ചം മങ്ങിയ ആശുപത്രി മുറികളിലൂടെ
ഇഴഞ്ഞു നീങ്ങിയ നിമിഷങ്ങള്‍
ആശുപത്രിവാസം കഴിഞ്ഞ് പുറത്തിറങ്ങുമ്പോള്‍
നിര്‍ജ്ജീവവും നിരാലംബവുമായ ഭൂമി
തറവാട്ടമ്പലത്തില്‍ തൊഴുവാന്‍ പോയപ്പോള്‍
ജനിച്ചു വളര്‍ന്ന തറവാടു്
വെറും മണ്‍ക്കൂനയായി മാറിയിരിക്കുന്നു
അവസാനത്തെ അടിത്തറയും തകര്‍ത്ത്
ട്രിപ്പര്‍ ലോറിയില്‍ കയറ്റുന്ന ജെ.സി.ബി.
മനസ്സിനുള്ളിലൊരു വിങ്ങല്‍
എന്തിനാണ് എന്‍െറ കണ്ണുകള്‍ ഈറനണിഞ്ഞത്
കച്ചവടത്തിന്‍െറയും ലാഭക്കൊതിയുടെയും
ഈ കഴുത്തറപ്പന്‍ ലോകത്ത്
എന്‍െറ  വിലകുറഞ്ഞ വികാരങ്ങള്‍ക്കെന്തു പ്രസക്തി ?